Gardsdrift

I gardsdrift arbeider vi med forvalting av verdiar, produksjonsapparat og naturressursar på garden ut frå omsynet til økonomi, regelverk og etiske prinsipp. Faget skal gi ei grunnleggjande økonomisk forståing. Aktuelle tema:

• Produksjonstilskot, offentleg virkemiddelbruk og andre støtteordningar.
• Kva påverkar økonomien i ulike produksjonar.
• Dekningsbidrag, driftsresultat og andre aktuelle lønsemdsmål for å vurdere økonomien på garden.
• Leige, forpakting, kjøp og overdraging av landbrukseigedom.
• Selskaps- og samarbeidsformer i landbruket der vurdering av samdriftsavtale er aktuelt.
• Helse og rett bruk av kroppen for bonden.
• Energiøkonomisering og bruk av fornybar energi.
• Kartlegging av ressursane på garden og utarbeiding av eigne målsettingar for gardsdrifta.
• Nyetablering med utarbeiding av forretningsplan for ei tilleggsnæring.
• Rettar og plikter for både arbeidsgivar og arbeidstakar.